Title Thov Kom Hmoob Sib Hlub
Artist Maiv Xis Muas
Album nothing entered
Readed 5,440 views on this post

Oh no….
Tsoom hmoob thov kom peb sib hlub
tig rov los mus sib mloog
los ib yoog ua ib pawg
los sib txhawb sib koom
peb thiaj yog haiv neeg zoo…
tsoom hmoob aw…

oh no… thov kom peb sib fwm mog
tig kiag los puag xwb pwg ua phooj ywg
luag li ntxhi ua kwv tij sib hlub
zoo dua ua neeg sib ntxub…phooj ywg e….

hmoob ouy xav kom peb los sib haum xeeb
kev thaj yeeb thiaj caum cuag
tus muaj yuav txim hlub tus pluag
tus ruam los fwm tus ntsej
peb thiaj nyob tau ua ke…mog hmoob aw…

Oh no… tshaj xov rau peb hmoob nrho
tej laus los yog tej hluas
hmoob dawb los yog hmoob ntsuab
txhob sib thuam sib ntsw
peb yeej yog ib pab xwb…haiv hmoob aw…

Hmoob ouy leej twg muaj lub zoo peev xwm
suav daws yuav tsum nrog fwm
yuav tsum pab txhawb fwm lub zog
kom peb muaj tus coj
luag thiaj siab tau peb mog
haiv hmoob aw…

Oh no… thov nquas hu rau peb nom tswv
txhob coj lub siab twm zeej
saib pej xeem kom muaj nuj nqis
lub koob npe thiaj nrov
lub meej mom thiaj sawv siab
cov hmoob aw…

tsoom hmoob xyoo 2007 los txog lawm
hmoob sawb daws tsis hais xeem twg
yuav tsim thooj siab kom ntsws
los sib pab sib hlub
kom lub hmoob nrov mus
thoob qab ntuj…

1 Comment

  1. I like this song! 😀

Leave a Reply