Title	Nco Thaum Hluas
Artist	Lue Vang
Album	nothing entered
Readed	7,359 views on this post

Nag hmo thaum kuv tseem hluas
Mus txog qhov twg phooj ywg muaj txhua
Tso dag tso luag mus txhua txoj kev
Yam kuv ua neej yuav tsis txom nyem

Nag hmo thaum kuv tseem yau
Kuv uadab tsi los kuv ua tau
Kev tham hluas nkauj los kuv muaj coob
Kuv mus kawm ntawv los kawm tau zoo
Txhua txhia txoj kev kuv mus ncig thoob

Kuv lub sij hawm ploj lawm ceev heev
Tej phooj tej ywg nyias mus ua nyias neej
Tshuav kuv tib leeg nyob teev kua muag
Yej kev sib hlub uas kuv tau muaj
Tsuas yog dab neeg rov yav thaum hluas

Nag hmo thaum kuv tseem hluas
Kuv ua dab tsi los sawv daws qhua
Hais tias tus hluas no yog neeg zoo
Mus txog qhov twg luag cav nto moo
Lub siab tsis paub txhawj xeeb li no

Tib pliag ntshis xwb phooj ywg pawv tag
Tshuav kuv tib leeg ua neej tiv nag
Hais lus tseem ceeb luag tias kuv dag
Kuv raug luag cav thaib raug luag thuam
Neeg laus vaub tsuab ntsia xwb twb dhuav

Nag hmo thaum kuv tseem hluas
Mus txog qhov twg muaj ntsej muag luag
Nyob lub tsev twg muaj neeg tuaj xyuas
Yav tag xav pom ces ntshe npau suav

Khuv xim nag hmo thaum kuv tseem hluas
Nco nco lub neej thaum kuv tseem hluas
Nco txog nag hmo thaum kuv tseem hluas