Title Lub Ntuj Cawm Kuv Los Txog
Artist Maiv Huas Hawj
Album nothing entered
Readed 1,674 views on this post

Lub ntuj twb qhuav nkig nkuav los tau ntau xyoo
Nag tsis poob dej tsis ntws los tau lawm ntev
Av tawg pleb av qhuav
Tej me yub nroj tsuag tuag

Tsob nroj tsob no los nws twb zeeg nplooj yuav tag
Twb tsis nrhau cag
Twb tsis hlav nplooj los tau ntev lawm

Yog hmoov dabtsi hnub no ntuj thiaj los nag
Ua rau daim av hnub no nws rov qab noo
Ua rau tsob nroj tsob no nws rov hlav nplooj
Ntshe yog txoj hmoo lub ntuj cawm kuv los txog

Yog hmoov dabsti koj thiaj li tau los tshwm
Yog hmoov dabsti koj thiaj li tau los txog
Koj yog pob tshuaj los kho tau kuv tus mob
Txij thaum ntsib koj ua rau lub zog rov tuaj
Ua rau rov muaj txoj kev cia siab ua neeg

Koj zoo nkaus li tus dej los cawm tus ntses
Koj zoo yam li li ntshav rau kuv lub cev
Zoo li txoj kev rau kuv taug lawm tom ntej
Zoo yam lub teeb ci ntsa rau kuv pom kev

Thov kom tus dej nws ntws nto los tsis txhob tu
Ntws los txhua hnub yug tsob paj no kom ciaj sia
Kom hlav tshiab kom tawg pak thiab txi txiv
Thiaj li muaj nqi rau tsob paj lawm yav tag kis

Thov koj tsis txhob nrug kuv mus rau qhov twg
Kom tsuas muaj wb nyob ua ke li no mus li
Kom tag tag kis kom tag mus li thiab tag ib txhis
Ua sim neej nyob thiaj hnov nrog luag muaj nqis

(Repeat from \\Yog hmoov dabsti koj thiaj li tau los tshwm\\ to end)

No comment yet. Let you write first comment.

Leave a Reply