Title	Thov Zam Txim
Artist	New Breed
Album	nothing entered
Readed	4,045 views on this post

Kuv ntsia lub hnub qub
Puag saum ntuj os
Kuv txoj sia yuav tu
Yav tag los kuv muaj
Kev hlub zoo tshaj plaws
Hnub no kuv tsis tshuav dabtsi

Es koj tus ntxhiab
Tseem nyob raws ntawm
Kuv lub xub ntiag
Kuv tseem nco lub sij hawm
Koj kua muag ntws sis
Thaum luag yuav coj koj mus
Mus tag ib txhis

Chorus:
Thov zam txim rau kuv
Vim txoj kev hlub
Mob kuv siab tsis txawj tu
Hlub koj tag npaum no
Los tsis tau koj
Cas kuv txoj hmoov hos
Yuav los xaus rau li no
Ntshaw txoj kev sib hlub
Ua rau luag ntxub
Ua twj ywm tsis paub qhia
Txawm tsis tau koj los
Kuv tseem muaj txoj sia
Kuv mam hlub koj twj ywm
Rau hauv nruab siab
Tsis muaj hnub tso

Nruab hnub hmo ntuj
Pw tsis tsaug zog
Kuv tseem nco txog koj
Wb lub neej dhau los
Thaum kuv nrog koj nyob
Tsis muaj kev nyuaj siab dabtsi

Tiam sis kuv paub
Koj nrog kuv ces
Koj yuav txom nyem
Kuv thiaj ua ib siab
Ntsaws lub kua muag
Ntws pes tsawg
Tsis xav kom koj ua lub neej
Nrog tus neeg phem

Chorus

Kuv mam hlub koj twj ywm
Rau hauv nruab siab
Tsis muaj hnub tso