Title	Nco Txog Hnub Peb Tawg Teb Chaws
Artist	Paj Muas
Album	nothing entered
Readed	5,478 views on this post

Nco txog thaum peb tawg teb chaws los
Los nyob hav zoo hav tsuag
Txiav xyoob ua mov raj noj
De nplooj lwj yem los ntsw ntsev noj ntxuag kua txob
Sib tw pug sia los nyob ua ke rau hauv Thaiteb

Los nyob Thaiteb hauv xumn Nabm Nyaus
Ua ke tau peb xyoos ntau
Koj thiaj tau ncaim kuv mus lawm
Mus nyob Meskas tsis nco qab txog qub teb qub chaw
Los yog koj tau zoo lawm
Ib tsab ntawv thiaj tsis xa los

Yog txoj hmoo los yog tim lub ntuj
Quas koj thiab kuv kom wb nrug ncaim mus nyob deb
Txawm pes tsawg xyoo yuav tos txog hnub wb tau los ua ke
Ntsia ntsoov hauv ncauj xub ke
Seb koj puas yuav rov qab los hlub

Xyoo tas xyoo thiab tsis pom koj los
Xav ua ib siab tsis tos los vim yog yeej tseg tsis taus
Yuav tswj sia nyob tos koj mus txog thaum laus
Plaub hau tawg paj nra paug
Los haj tseem nyob tos koj ib leeg