Rov los txog thaj chaw no dua ib zaug
Txoj kev qub uas wb ib twawm taug
Uas rau kuv rov nco nco txog yav dhua
Thaum ua wb tseem nyob ua ke ntawv
Tsa muag saib ntsia mus rau ob cag
Pom roob hav tseem sawv nyob qhov qub
Uas rau kuv rov nco nco txog ib tug
Tus kuv hlub yav tag los thaum i
Txoj kev no thaum ntawv wb ob leeg taug
Tus dej no thaum ntawv wb os leeg haus
Tsob ntoo no thaum ntawv wb so nkawm ntxoo
Wb ob leeg koom kwv ib lub kaus roos
Kev hlub zoo tsim muaj nyob thaj chaw no
Tsa muag saib ntsia mus rau qhov twg
Nws nphob xuav yeej tsis muaj koj li
Uas rau kuv lub siab no quaj dhi
Tsaus ntuj nti txhua txhua lub sij hawm
Hnub no rov los tsuas tau lub kua muaj nrog
Nrhiav txog qhov twg los tsis ntsib koj lis
Hnub no rov los tsuas tau lub kua muag si
Siab quaj dhuj dhi nrhiav koj rua txhua txoj kev
Los twb tsis ntsib tsis pom koj nyob qhov twg
Ua ntej hnub uas wb yuav sib nrug
Wb cog lus ruaj rau thaj chaw no
Tias koj yuav rub siab ntev nyob tos
Kom txog hnub uas kuv rov qab los
Hnub no rov los cas koj twb yog luag tug
Hnub no rov los cas koj twb nrog luag mus
Hnub no rov los tsuas tau lub ntsej muag ntshaus
Koj twb nrog luag tuav tes mus lawm dhau
Kuv no tsuas tau los zaum so kua muag